धरान / सुनसरीबाट खैरो हेरोइनसहित प्रहरीले एक जनालाई पक्राउ गरेको छ । पक्राउ पर्नेमा कोशी गाउँपालिका –५ घर भएका ३८ वर्षीय नईसाद अलि मिया रहेका छन् ।
मियालाई प्रदेश एक प्रहरी कार्यालय विराटनगर र जिल्ला प्रहरी कार्यालय सुनसरीबाट खटिएको टोलीले सुनसरीको कोशी गाउँपालिका –१ स्थित लौकही बजारबाट पक्राउ गरेको हो ।
पक्राउ परेका मियाको साथबाट प्रहरीले एक सय ६४ ग्राम खैरो हेरोइन बरामद गरेको छ ।
