धनुषा / धनुषामा मोटरसाइकल नहरमा खस्दा तीन जनाको मृत्यु भएको छ । मृत्यु हुनेमा एक जना अन्दाजी २२ वर्षीय कुनाल कुमार साह र पहिचान नखुलेका अन्य दुई जना रहेका छन् ।
औरहीबाट जनकपुरतर्फ जाँदै गरेको ज ९ प १९८२ नम्बरको मोटरसाइकल आज दिउँसो चार बजे जनकपुर –१८ भोइलस्थित नहरमा खसेको थियो ।
मोटरसाइकल नहरमा खस्दा तीनै जनाको घटनास्थलमा नै मृत्यु भएको धनुषाका प्रहरी प्रवक्ता डीएसपी जितेन्द्र बस्नेतले जानकारी दिए ।
