सोलुखुम्बु / वाकुबाट चार दिनदेखि बेपत्ता भएकी महिलाको खोजीका लागी जिल्ला सोलुखुम्बुका डिएसपीको टोली परिचालन गरिएको छ । सोताङ गाउँपालिका–१ हुलुकी २५ वर्षीया मनकुमारी कार्की खोजीको लागी जिल्लाप्रहरी कार्यालयका प्रहरी प्रमुख प्रहरी नायब उपरीक्षक कबित कटवालको टोली परिचालन गरिएको हो ।
एनएमबी माइक्रोफाइनान्स लिमिटेड सोताङमा कार्यरत कार्की शुक्रबार अपराह्न ४ः२५ देखि सम्पर्क विहीन छिन् ।
डिसपी सहित प्रहरी चौकी वाकु, इलाका प्रहरी कार्यालय सोताङ, स्थानीयवासी तथा पावैबाट आएका घरपरिवारले खोजी कार्य जारी राखेको भएपनि पत्ता लाग्न नसकेको प्रहरीले जनाएको छ ।
