काठमाडौँ / पशुपतिनाथ मन्दिर क्षेत्रका एक साधुमाथि खुकुरी प्रहार भएको छ । सोमबार बिहान विश्वरुपा मन्दिर नजिकै २५ वर्षीय सन्तोष बाबामाथि खुकुरी प्रहार भएको हो ।
बाबा शौचालयतर्फ जाँदै गर्दा एक अज्ञात व्यक्ति आएर माल निकाल भनेर गाँजा मागेका थिए । तर, बाबाले छैन भनेपछि ती व्यक्तिले खुकुरी प्रहार गरेको महानगरीय प्रहरी कार्यालयका एसपी सुशील राठौरले जानकारी दिए ।
ती व्यक्ति खुकुरी प्रहार गरेर फरार भएका छन् भने, खुकुरीको प्रहारबाट घाइते भएका बाबा ट्रमा सेन्टरमा उपचार भइरहेको प्रहरीले जनाएको छ ।
