बिर्तामोड / पूर्व युवराज्ञी हिमानी शाहले जनकपुरको सकल भवन कन्या माध्यमिक विद्यालयमा अध्ययनरत छात्रालाई पानी स्वतः शुद्ध हुने बोतल वितरण गरेकी छिन् ।
आइतबार जनकपुरधाम पुगेकी युवराज्ञी शाहले आज (सोमबार) आफ्नो संस्था हिमानी ट्रष्टको तर्फबाट सो विद्यालयका छात्रालाई पानी स्वतः शुद्ध हुने बोतल वितरण गरेकी हुन् ।
सर्वसाधारणसँग खासै कुरा नगर्ने हिमानीले कन्या माध्यमिक विद्यालयमा अध्ययनरत छात्रासँग बसेर अन्तरक्रिया समेत गरिन् । उनले आफूसँगै बसेका तीन जना छात्रासँग पढाइका कुरा गरिन् ।
हिमानी ट्रष्टको अध्यक्षता रहेकी उनी नेपालका दुर्गम जिल्लामा थुप्रै पटक सहयोग सामग्री लिएर पुग्ने गरेकी छिन् ।
