पर्सा / पर्साको पटेवासुगौली गाउँपालिकाको फरहदवा नजिक पर्ने जङ्गलमा प्रहरीले तीन राउण्ड हवाई फायर गरेको छ ।
अवैध रुपमा रुख कटान गर्ने तस्कर समूहलाई नियन्त्रणमा लिन खोज्ने क्रममा प्रहरीले हवाई फायर गरेको पर्साका प्रवक्ता प्रहरी नायब उपरीक्षक (डीएसपी) ओम प्रकाश खनालले जानकारी दिए ।
डीएसपी खनालका अनुसार चार वटा मोटरसाइकलमा सवार आठ जना तस्करको समूहले प्रहरी टोलीमाथि नै आक्रमण गर्न खोजेपछि आत्मरक्षाका लागि नौ एमएमको पेस्तोलबाट तीन राउण्ड हवाई फायर गरिएको हाे ।
सोमबार बिहान चार बजे तस्कर समूहलाई नियन्त्रणमा लिन हवाई फायर गरे पनि उनीहरु भने भाग्न सफल भएका छन् । प्रहरीले बीआर२२एफ ४१०८ र ना४०प ९३९६ नम्बरको मोटरसाइकलसहित दुई थान गोलिया काठ बरामद गरेको छ ।
