बिर्तामोड / गाडी भाडामा लिएर लुट्ने दुई जनालाई प्रहरीले धनुषाबाट पक्राउ गरेको छ । पक्राउ पर्नेमा सुनसरीको भोक्राहा –५ बस्ने २७ वर्षीय मुरुदिन मियाँ र नविब आलम रहेका छन् ।
उनीहरूले ५ बजे बा२ ज ३९४० नम्बरको सुजूकी अल्टो गाडी काठमाडौँबाट घर पुर्याइ दिन भनी भाडामा लिएका थिए । आइतबार बिहान ५ बजे सर्लाहीको बाँके जङ्गलमा चालकलाई रडले टाउकोमा प्रहार गरी बेहोस बनाइ गडी लिएर भागेका थिए ।
उनीहरु गाडी लिएर भाग्ने क्रममा धनुषाको क्षिरेश्वरनाथ नगरपालिका हरिहरिपुरमा अनियन्त्रित भई गाडी दुर्घटना भएपछि ई–रिक्सा चढेर भागेका थिए ।
गाडी लुटेर भागेको सूचना पाएलगतै जिल्ला प्रहरी कार्यालय धनुषबाट खटिएको प्रहरीको टोलीले उनीहरूलाई भाग्दै गरेको अवस्थामा धनुषाधामबाट पक्राउ गरेको जिल्ला प्रहरी कार्यालय धनुषाले जनाएको छ ।
