सुनसरी / सुनसरीका फरक फरक स्थानमा भएको सवारी दुर्घटनामा परी दुई जनाको मृत्यु भएको छ ।
सुनसरीको इटहरी–१७ मा पिकअपको ठक्करबाट शनिबार एक जना पैदलयात्रीको मृत्यु भएको हो ।
उत्तरबाट दक्षिण तर्फ आँउदै गरेको को २ च १३३९ नम्बरको टाटा पिकअपले भोजपुर घर भएका दिलबहादुर राई लाई ठक्कर दिँदा उनी गम्भीर घाइते भएका थिए । एपेक्स अस्पताल इटहरीमा उपचारको क्रममा उनको मृत्यु भएको प्रहरीले जनाएको छ ।
त्यसैगरी सुनसरीको दुहबी ८ सोनापुरमा ट्रकले मोटरसाइकललाई ठक्कर दिदा चालकको मृत्यु भएको हो । खनारबाट दुहबी तर्फ आँउदै गरेको ना ५५ प ९९७९ नम्बरको मोटरसाइकललाई को १ क ३३९५ नं को ट्रकले ठक्कर दिदा मोटरसाइकल चालक सर्लाही लालबन्दी ८ का ३२ बर्षिय सुलभ गिरीको मृत्यु भएको प्रहरीले जनाएको छ ।
