सुनसरी / सुनसरी खोला पुलमा मोटरसाइकल अनिमन्त्रित भई दुर्घटना हुँदा चालकको मृत्यु भएको छ भने पछाडि सवार घाईते भएका छन् ।
मृत्यु हुनेमा मोरङ कानेपोखरी गाउपालिका ६ का १८ वर्षीय रीतिका राई रहेका छन् भने सोही स्थानका २१ वर्षीय निरज राईको उपचार भइरहेको छ । बिहीबार राती १२ बजे उत्तर तर्फ जादै गरेको को ३६ प ९५८ नम्बरको मोटरसाइकल आफै अनियन्त्रित भई पुलमा ठोक्किएर दुर्घटना हुँदा दुवै जना घाईते भई उपचारको लागी घोपा धरानमा पठाइएको थियो । उपचारको क्रममा रितिकको आज(शुक्रबार) बिहान ३ बजे मृत्यु भएको हो।
घाईते निरजलाई थप उपचारको लागी विराट नर्सिङ होम विराटनगर रेफर गरिएको छ । दुर्घटना भएको मोटरसाइकल इलाका प्रहरी कार्यालय पकलीमा रहेको प्रहरीले जनाएको छ ।
