झापा//झापाका एक रंगकर्मी तीन दिनदेखि बेपत्ता छन् ।हल्दिबारी –१ गोल्धापका २७ वर्षीय प्रकाश दाहाल तीन दिनदेखि बेपत्ता भएका हुन्।
सँगै सुतेका रंगकर्मीहरुले १२ बजे राति कोठामा उनलाई नदेखेपछि परिवारलाई खबर गरेका थिए ।
भदौ १९ गतेदेखि दमकबाट बेपत्ता भएका उनको खोजीका लागि इलाका प्रहरी कार्यालय दमकमा जाहेरी दिइएको आमा दिलकुमारीले जानकारी गराएकी छन्।
परिवारका अनुसार उनको मोबाइल, चप्पल कोठा मै छ ।
नेपाली चलचित्र पशुपति प्रसादमा समेत अभिनय गरेका दाहालले दर्जनौं नाटकमा समेत अभिनय गरेका छन् ।
