पाँचथर / पाँचथरको मिक्लाजुङ गाउँपालिका –२ लक्ष्मी चौकमा ट्याक्टरले किचेर एक जनाको मृत्यु भएको छ । मृत्यु हुनेमा सोही ठाउँका २९ वर्षीय अभिषेक आङदम्बे रहेका छन ।
आइतबार दिउँसो ३ बजे लसुने खोलाबाट ढुंगा लोड गरी आउँदै गरेको प्रदेश नम्वर १–०१–००१ त ९०३४ ट्याक्टर रोक्ने क्रममा ट्रयाक्टरका सहचालक आङदम्बे ओर्लंदा पछाडिको चक्काले किचेर गम्भिर घाईते भएका थिए ।
घाइते आङदम्वेको उपचारको लागी आधारभुत अस्पताल रवि लाने क्रममा बाटैमा मृत्यु भएको प्रहरीले बताएको छ ।
ट्याक्टर र चालक सोही स्थानका २८ वर्षीय आईतहाङ आङदेम्र्वे इलाका प्रहरी कार्यालय रविको नियन्त्रणमा रहेको जिल्ला प्रहरी कार्यालय पाँचथरले जनाएको छ ।
