बिर्तामोड / झापाको बिर्तामोडमा खोज पत्रकारिता सम्बन्धी दुई दिने तालिम आज (आइतबार) सम्पन्न भएको छ ।
नेपाल पत्रकार महासंघ झापा र शेयरकास्ट इनिसिएटिभ नेपालले बिर्तामोडको टाइमलेस होटलमा आयोजना गरेको तालिम आज (आइतबार) सम्पन्न भएको हो ।
जिल्लाका ३० जना सञ्चारकर्मीहरूको सहभागिता रहेको तालिमको सहजिकरण अग्रज पत्रकार हरिबहादुर थापाले गरेका थिए ।
समापन कार्यक्रममा बोल्दै पत्रकार महासंघ झापाका अध्यक्ष एकराज गिरीले पत्रकार महासंघले सँधै साथ, सहयोग गरिरहने प्रतिवद्धता व्यक्त गरेका छन् ।
कार्यक्रममा दमक नगरपालिका र नेशनल एन्डोमेन्ट फर डेमोक्रेसी (एनइडी)को पनि सहकार्य रहेको थियो ।
