खोटाङ / हलेसी तुवाचुङ नगरपालिका १० स्थितबाट प्रहरीले भरुवा बन्दुक सहित २ जनालाई पक्राउ गरेको छ । पक्राउ पर्नेमा सोही स्थानका ४९ वर्षीय दिलसेर राई र खड्गसिंह राई रहेका छन् ।
शनिबार दिउसो गोप्य सूचनाको आधारमा जिल्ला प्रहरी कार्यालय खोटाङबाट खटिएको प्रहरी टोलीले उनीहरूको घर खानतलासी गर्दा दुवैजनाको घरबाट अवैध रुपमा लुकाई राखेको २ नाल भरुवा बन्दुक बरामद गरेको हो । बन्दुक बरामद भए पछि उनिहरुलाई पक्राउ गरि थप अनुसन्धान गरिरहेको जिल्ला प्रहरी कार्यालय खोटाङले जानकारी दिएको छ ।
