काठमाडौं//चार किलो सुनसहित नेपालगञ्ज विमानस्थलबाट दुईजनालाई प्रहरीले पक्राउ गरेको छ।
श्री एयरलाईन्सको काठमाडौ–नेपालगञ्जको नियमित उडानबाट आएका दुई जनाको साथबाट चार किलो सुन बरामद भएको बाँके प्रहरीले बताएको छ।
नेपालगञ्ज विमानस्थलमा सुनचाँदी व्यवसायी संघका अध्यक्षसहित पुगेर घटनाको अनुसन्धान सुरु गरेको जिल्ला प्रहरी कार्यालय बाँकेका प्रवक्ता प्रहरी नायव उपरीक्षक मधुसुदन न्यौपानेले जानकारी गराएका छन्।
प्रहरीले सुनसहित पक्राउ परेका व्यवसायीको परिचय भने खुलाएको छैन।
