बिर्तामोड / झापाको कमल गाउँपालिका –५ आदीबासी रङ्गशाला अगाडि पुर्व–पश्चिम राजमार्गमा पिकअपको ठक्करबाट एक बालकको मृत्यु भएको छ ।
मृत्यु हुनेमा सर्लाही भक्तिपुर गाउँपालिका –३ ईश्वरपुर घर भएका लोहरा कापरीको छोरा ४ वर्षीय मानव कापरी रहेका छन् ।
आज दिउसो साढे ११ बजे प्रदेश ०३–००१ च ०३६४ नम्बरको पिकअपले बाटो क्रस गर्ने क्रममा कापरीलाई ठक्कर दिएको थियो । पिकअपको ठक्करले बालकको घटनास्थलमा नै मृत्यु भएको इलाका प्रहरी कार्यालय दमकले जनाएको छ ।
पिकअप र चालक मकवानपुर हेटौंडा नगरपालिका –११ का २४ वर्षीय अजय पाख्रिन इलाका प्रहरी कार्यालय दमकले नियन्त्रणमा लिएको छ ।
