बिर्तामोड / प्रहरीले प्रतिबन्धित औषधी सहित फरक फरक स्थानबाट ६ जनालाई पक्राउ गरेको छ । पक्राउ पर्नेमा उर्लाबारी नगरपालिका ८ रातोहोलीका २७ वर्षीय अनिष श्रेष्ठ र २१ वर्षीय सुजन श्रेष्ठ रहेका छन् ।
उनीहरुलाई बुधवार बेलुका प्रहरीले उनीहरूको कोठाबाट ट्रामाडोल १५८ क्याप्सुल र स्पास्पेन १४ ट्याबलेट सहित पक्राउ गरेको हो ।
त्यसैगरी प्रहरीले मोरङकै रतुवामाई नगरपालिका २ सिजुवाबाट उर्लाबारी १ का २१ वर्षीय माधव श्रेष्ठलाई नाईट्रोभेट ६६० र कोरेक्स डि एक्स १ बोतल लागूऔषध सहित पक्राउ गरेको छ ।
सिजुवाबाट नै प्रहरीले मे१ह ३१७२ नम्बरको अटोलाई चेकजाँच गर्दा प्रतिबन्धित औषधी स्पासपेन ५ सय ट्याब्लेट र ट्रामाडोल १ हजार ट्याब्लेट सहित उर्लाबारी ५ का २३ वर्षीय समिर मगर, दमक १४ का २९ वर्षीय अब्दुल आमिर खान र उर्लाबारी ५ का २४ बर्षीय घनश्याम गुरुङलाई पक्राउ गरेको छ ।
पक्राउ परेकाका विषयमा कारवाही अघि वढाईएको जिल्ला प्रहरी कार्यालय मोरङले जनाएको छ ।
