सप्तरी / सप्तरीको डाक्नेश्वरी नगरपालिका–१० रञ्जितपुरमा करेन्ट लागेर एक बालकको मृत्यु भएको छ । करेन्ट लागेर पवन यादवको छोरा नौ वर्षीय अर्जुनकुमार यादवको मङ्गलबार राति मृत्यु भएको हो ।
गोठमा खेल्ने क्रममा भुइँमा लत्रिएको बिजुलीको नाङ्गो तारबाट करेन्ट लागी घाइते भएका बालकलाई उपचारका लागि कल्याणपुरतर्फ ल्याउँदै गर्दा बाटोमा नै मृत्यु भएको प्रहरीले जनाएको छ ।
मृत्युपछि शव फर्काएर घरमा ल्याई राखिएको प्राप्त सूचनाका आधारमा गएको प्रहरी टोलीले शव परीक्षणका लागि आज राजविराजस्थित गजेन्द्रनारायण सिंह अस्पतालमा ल्याएको जिल्ला प्रहरी कार्यालय सप्तरीका प्रहरी नायब उपरीक्षक माधवप्रसाद काफ्लेले जानकारी दिएका छन् ।
