अर्घाखाँची / पहिरोमा पुरिएर एक बालिकाको मृत्यु भएको छ भने तीन जना घाइते भएका छन् । पाणिती गाउँपालिका ७ अडगुरीमा आएको पहिरोले जीवनलाल सुनारकी नौ वर्षीय छोरी झरना सुनारको मृत्यु भएको जिल्ला प्रहरी कार्यलयले जनाएको हो ।
प्रहरी नायब उपरीक्षक अम्बरबहादुर थापाका अनुसार मङ्गलबार साँझ घरमाथिबाट आएको पहिराले सुनारको एकतले कच्ची घर पुरिँदा बालिकाको घटनास्थलमा नै मृत्यु भएको र अन्य तीन जना घाइते भएका थिए । घाइतेको स्थानीय मेडिकलमा उपचार भइरहेको र उनीहरूको अवस्था सामान्य रहेको जनाइको छ ।
