धादिङ / धादिङमा मिनी ट्रक दुर्घटना हुँदा ३५ जना घाइते भएका छन् ।
सोमबार बिहान ज्वालामुखी गाउँपालिका –५ स्थित खरीबाट जिल्ला सदरमुकाम धादिङबेसी आउँदै गरेको बा ३ ख ५६२३ नम्बरको मिनी ट्रक ब्रेक फेल भई अनियन्त्रित हुँदा दुर्घटना भएको गाउँपालिकाका अध्यक्ष विनोदराज तिमल्सेनाले जानकारी दिए ।
अध्यक्ष तिमल्सेनाका अनुसार घाइते मध्ये १६ जनाको अवस्था गम्भीर रहेको र ४ जनालाई गाउँपालिकाले हेलिकप्टरमार्फत काठमाडौं पठाइएको छ ।
थप १२ जनालाई जिल्ला अस्पतालमा सामान्य उपचारपछि एम्बुलेन्समार्फत काठमाडौं पठाइएको अध्यक्ष तिमल्सेनाले जानकारी दिए ।
