जाजरकोट / जाजरकाेटकाे नलगाड नगरपालिकाबाट प्रहरीले हतियारसहित एक जनालाई पक्राउ गरेको छ । पक्राउ पर्नेमा नलगाड –१० कोटी सल्लाका ५६ वर्षीय मोहन विक रहेका छन् ।
इलाका प्रहरी कार्यालय रग्दाबाट खटिएको प्रहरी टोलीले विकलाई पक्राउ गरेको प्रहरी नायब उपरीक्षक मधुकुमार थापाले जानकारी दिए । पन्ध्र थान गोलीसमेत फेला पारेको प्रहरीको भनाइ छ ।
चार दिनअघि मात्र नलगाड –८ मैदे र कुसेनीबाट दुई जनालाई पनि हतियारसहित पक्राउ गरिएको थियो ।
