धरान / सुनसरीको कोशी गाउपालिका –३ जमुवा चोक स्थित पूर्व पश्चिम राजमार्गमा पिकअपको ठक्करबाट एक जनाको मृत्यु भएको छ एक जना घाईते भएका छन् ।
मृत्यु हुनेमा सप्तरी महादेवा गाउपालिका –६ का ३५ वर्षीय राम नाथ मण्डल रहेका छन् ।
हिजो दिउसो १२ बजे पश्चिम तर्फ जाँदै गरेको प्र२ –०३–००१ च ३००७ नम्बरको पिकअप ले विपरित दिशाबाट आउँदै गरेको प्र२ –०१–००२ प ५६५ नम्बरको मोटरसाइकललाई ठक्कर दिएको थियो ।
दुर्घटनामा गम्भिर घाईते भएका मोटरसाइकल चालक राम नाथको जिल्ला अस्पताल इनरुवामा उपचारको क्रममा हिजो दिउसो साढे १२ बजे मृत्यु भएको थियो ।
त्यस्तै मोटरसाइकल पछाडि सवार सप्तरी हनुमान कंकालिनी नगरपालिका –११ का १९ वर्षीय सन्तोष कुमार मण्डलको नोवेल अस्पताल विराटनगरमा उपचार भइरहेको छ ।
ठक्कर दिने पिकअप र चालक सर्लाही बर्छवा –९ का २३ वर्षीय अंश कुमार साह प्रहरीको नियन्त्रणमा रहेको छ ।
