इटहरी / एमाले नेता भीम आचार्य प्रदेश १ को मुख्यमन्त्रीमा नियुक्त भएकै दिन उनका भाइ मृत फेला परेका छन् । आचार्यको सपथ ग्रहण कार्यक्रम अघि आफ्नै घरमा उनका भाइ रामप्रसाद आचार्य मृत भेटिएका हुन् ।
जिल्ला प्रहरी कार्यालय सुनसरीले आचार्यका भाइ आफ्नै कोठामा सुतिरहेको अवस्थामा मृत भेटिएको जनाएको छ । आफ्नो कोठाको ढोका लगाएर सुतिरहेको अवस्थामा उनको शव भेटिएको प्रहरीले जानकारी गराएको छ ।
