धरान / सुनसरीको बराहक्षेत्रबाट लागूऔषध सहित प्रहरीले एक जनालाई पक्राउ गरेको छ ।
पक्राउ पर्नेमा भारतको सुपौल थाना बिरपुर बनेलपट्टी –५ का २५ वर्षीय रुद्रनारायण कुमार यादव रहेका छन् ।
विशेष सूचनाको आधारमा इलाका प्रहरी कार्यालय महेन्द्रनगरबाट खटिएको टोलीले यादवलाई सोमबार बेलुका ६ बजे बराहक्षेत्र नगरपालिका –८ शुक्रबारेबाट पक्राउ गरेको हो ।
पक्राउ परेका यादवको साथबाट प्रहरीले ५२ ग्राम ब्राउन सुगर बरामद गरेको छ ।
