बिर्तामोड / झापाको बिर्तामोडस्थित भगवानचोकमा आईतबार बस र मोटरसाईकल एकआपसमा ठोक्किदा २ जना घाईते भएका छन् ।
आईतबार बिहान ११ बजे पूर्वबाट पश्चिमतर्फ जाँदै गरेको ना ५ ख २८९४ नंबरको बसले बिपरीत दिशाबाट आउँदै गरेको मे २ प १२९५ नंबरको मोटरसाईकललाई ठक्कर दिँदा दुर्घटना भएकाे थियाे ।
दुर्घटनामा परि मोटरसाईकल चालक गौरादह –४ का ३० बर्षीय खेमराज घिमिरे र पछाडि सवार ५० बर्षीया कृष्णमाया दाहाल घाईते भएका छन् । घाईते दुवैको बिर्तामोडस्थित बिर्तासिटि अस्पतालमा उपचार भइरहेको छ ।
घाईतेमध्ये कृष्णमायाको अवस्था गम्भिर रहेको प्रहरी कार्यालय झापाका डिएसपी राकेश थापाले जानकारी दिए । बस र चालकलाई ईलाका प्रहरी कार्यालय अनारमनीले नियन्त्रणमा लिएको छ ।
