बिर्तामोड / प्रहरीले बिर्तामोड–५ स्थित मिलन चौकबाट लागूऔषध ब्राउन सुगर सहित दुई जनालाई पक्राउ गरेको छ ।
पक्राउ पर्नेमा अर्जुनधारा–५ का २७ वर्षीय मनोज चौधरी र बिर्तामोड–५ का २३ वर्षीय सुमन तामाङ रहेका छन् । उनीहरूलाई लागूऔषध नियन्त्रण ब्युरो काँकडभिट्टा र अस्थायी प्रहरी पोष्ट नयाँ बसपार्कबाट खटिएको प्रहरी टोलीले पक्राउ गरेको हो ।
पक्राउ परेकाको साथबाट ब्राउन सुगर २० ग्राम र उनीहरु सवार मे २ प ८६८६ नम्बरको मोटरसाइकल बरामद भएको इलाका प्रहरी कार्यालय बिर्तामोडले जानकारी गराएको छ ।
पक्राउ परेकालाई अदालतबाट म्याद थप गराई थप अनुसन्धान अघि बढाइएको प्रहरीले जानकारी गराएको छ ।
