झापा//झापामा एक पुरुषको शव फेला परेको छ।
कमल गाउँपालिका–२ क्याम्पाका ५० वर्षीया राजु लिम्बूको शव धानबारीमा फेला परेको हो।
आइतबार बिहान दुर्गन्धित अवस्थामा चोकबाट करिब ५० मिटर पूर्व धानबारीमा उनको शव फेला परेको प्रहरीले जानकारी गराएको छ।
शव सडेर दुर्गन्ध आउन थाले पछि स्थानीयवासीले थाहा पाएर प्रहरीलाई खबर गरेका थिए।घटनाको कारण भने खुल्न सकेको छैन।
। ज्याला मजदूरी गरेर जीविकोपार्जन गर्दै आएका लिम्बूको मृत्यु केही दिनअगाडि नै भएको हुनसक्ने प्रहरीको अनुमान छ।
परिवारको पहिचानपछि शवलाई परीक्षण लागि अस्पताल पठाइएको जिल्ला प्रहरी कार्यालयले जनाएको छ।
