बिर्तामोड / झापा र मोरङका तिन छुट्टाछुट्टै स्थानबाट सोमवार प्रहरीले लागूऔषध ब्राउनसुगर सहित ७ जनालाई पक्राउ गरेको छ । लागूऔषध ब्राउन सगुरको कारोबार भइरहेको भन्ने विशेष सूचनाको आधारमा लागूऔषध नियन्त्रण ब्युरो काँकडभिट्टाबाट खटिएको प्रहरी टोलीले मेचीनगर नगरपालिका- १३ का २५ वर्षीय तुलसी राजवंशीलाई ८५० मिलिग्राम लागूऔषध ब्राउनसुगर सहित फूलबारी टोलबाट पक्राउ गरेको हो ।
यसैगरी प्रहरी चौकी चारआलीबाट खटिएको प्रहरी टोलीले बिर्तामोड नगरपालिका- १ का २० वर्षीय विशाल दमाईलाई २ ग्राम ५०० मिलीग्राम ब्राउनसुगर सहित चारआली चोकबाट पक्राउ गरेको हो भने सोही स्थानबाट स्थानीय २१ वर्षीय गणेश राजवंशी र अर्जुनधाराका २७ वर्षीय निकाश अधिकारी तथा मेचीनगर नगरपालिका- ६ का ५५ वर्षीय डम्बर बहादुर तामाङ र मेचीनगर नगरपालिका- ७ का १७ वर्षीय अभिषेक सिवालाई ४ ग्राम लागूऔषध ब्राउनसुगर सहित पक्राउ गरेको हो ।
यस्तै मोरङको विराटनगर महानगरपालिका-१५ बाट ईटहरी-४ का उपेन्द्र ठकुरीलाई ०.४३ ग्राम लागूऔषध ब्राउनसुगर सहित लागूऔषध नियन्त्रण ब्युरो विराटनगरबाट खटिएको प्रहरी टोलीले पक्राउ गरेको हो । पक्राउ परेका उनीहरूको सम्बन्धमा प्रहरीले थप अनुसन्धान गरिरहेको छ ।
