बिर्तामोड / हात्तीको आक्रमणमा परी झापाको एक वृद्धाको मेचीनगर एक वृद्धाको मृत्यु भएको छ । मृत्यु हुनेमा झापा मेचीनगर नगरपालिका – १० महानन्द टोलकी ८० वर्षीया पन्नादेवी साह रहेकी छन् । इलाका प्रहरी धुलाबारीका अनुसार दैनिक पूजाका लागि घरबाहिर निस्केकी साह बिहान ५ हात्तीको आक्रमणमा परेकी हुन् । घटनास्थल घरसँगै जोडिएको छ । उनको घटनास्थलमै मृत्यु भएको प्रहरीले जनाएको छ ।
स्थायी घर भारत भएकी पन्नादेवी एक वर्ष अघिदेखि छोरी वसन्ती साहसँग बस्दै आएकी थिइन् । मृतकको शव पोस्टमार्टमका लागी प्रादेशिक अस्पताल भद्रपुर पठाइएको इलाका प्रहरी धुलाबारीका इन्स्पेक्टर अनिल मावोहाङले बताएका छन् । साही हात्तीले बुद्धशान्तिमा पनि एक ब्यक्तिलाई आक्रमण गरि घाइते बनाएको बताएको छ । उनलाई उपचारका बिर्तासीटि अस्पताल बिर्तामोड लगिएको प्रहरीले जनाएको छ । महानन्दटोल धुलाबारीको व्यस्त बजार क्षेत्र हो । बजार क्षेत्रमै हात्ती छिरेर मानिसको ज्यान लिएपछि स्थानीय त्रसित भएका छन् ।
