झापा / बागलुङमा जिप दुर्घटना हुँदा दुई जनाको मृत्यु भएको छ । मृत्यु हुनेमा एक जना जैमिनी नगरपालिका- १० राङखानी घर भइ बागलुङ नगरपालिका २ श्रीनगर बस्ने दुर्गा पौडेल छन् । अर्का एक जनाको सनाखत भएको छैन ।
मार्केटिङको सामान बोकेको ग १ च ९४८५ नम्बरको जिप काठेखोला गाउँपालिका- ५ ठूलढुंगामा दुर्घटना भएको जिल्ला प्रहरी कार्यालय बाग्लुङका एसपी योगेन्द्रकुमार खड्काले जानकारी दिए ।
‘दुवै जनाको घटनास्थलमै मृत्यु भएको हो, दुर्घटनाको कारण खुलिसकेको छैन,’ उनले भने । जिप सडकबाट झण्डै ५०० मिटर तल खोँचमा खसेको हो ।
