काठमाडौं । संखुवासभामा हेलिकप्टर दुर्घटनामा परेको छ । अरुण तेस्रोको सामान बोकेको सिम्रिक एयरको हेलिकप्टर दुर्घटनामा परेको हो ।संखुवासभामा शुक्रबार दिउँसो सिम्रिक एयरको हेलिकप्टर दुर्घटनामा परी हेलिकप्टरका पाइलट घाइते भएका छन्।
हेलिकोप्टर दुर्घटनामा चारजना घाइते भएको र दुईजनाको अवस्था सिकिस्त रहेको भोटखोला गाउँपालिकाका अध्यक्ष वाङ छेदर लामाले जानकारी दिए । घाइतेको उद्धारका लागि नेपाली सेनाको हेलिकोप्टर परिचालन गरिएको छ ।
दुर्घटनामा क्याप्टेन सुरेन्द्र पौडेलको र स्थानीय भविन गुरुङ गम्भीर घाइते थप दुइजना सामान्य घाइते भएका छन । उनीहरुलाई नेपाली सेनाको टोलीले उद्धार गरेर उपचारका लागि पठाएको छ । गोला भन्ने स्थानबाट सिप्रुङ भन्ने स्थानमा सामान लैजाँदै गर्दा भोटखोला गाउँपालिका–४ सिप्रुङमा हेलिकोप्टर दुर्घटनामा भएको हो। उक्त हेलिकप्टर माथिल्लो अरूण जलविद्युत आयोजनाको सामान बोकेको उडेको थियो।
त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाका अनुसार उक्त हेलिकोप्टर बिहानैदेखि सम्पर्कविहीन भएकाले खोजी भइरहेको थियो। हेलिकोप्टर तुम्लिङटार विमानस्थलसँग बिहानैदेखि सम्पर्कमा नरहेको जानकारी दिएका छन।
उद्दारका लागि आर्मी र प्रहरि घटना स्थल तर्फ पुगिसकेको जिल्ला प्रहरी कार्यालय संखुवासभाले जनाएको छ ।
