काठमाण्डौ । नक्कली शरणार्थी बनाएर नेपालीलाई अमेरिका लैजाने प्रकरणको जोडिएर पक्राउ परेका सचिव टेकनारायण पाण्डेलाई अनुसन्धानका लागि तीन हिरासतमा राख्न काठमाडौं जिल्ला अदालतले अनुमति दिएको छ ।
काठमाडौं प्रहरी परिसरले उनलाई बुधबार दिउँसो पक्राउ गरेको थियो । उनलाई सिंहदरबार प्रकरी वृत्तमा राखिएको छ।
भुटानी शरणार्थी प्रकरणमा जोडिएकाहरुले पटक पटक पाण्डेको नाम लिएसँगै उनलाई पक्राउ गरिएको प्रहरीले जनाएको छ ।
गत १३ चैतमा मोरङ पथरीका केशवप्रसाद दुलाल, ललितपुर महालक्ष्मी–४ का सानु भण्डारी र पाँचथर फिदिमका टंककुमार गुरुङ र त्यसपछि पक्राउ परेका मोरङ पथरी–१० का सागर राईको बयानका आधारमा उनी पक्राउ परेका काठमाडौं प्रहरी प्रमुख एसएसपी दानबहादुर कार्कीले बताए।
अहिले पाण्डेलाई टेकुस्थित प्रहरी परिसरमा राखिएको छ । पाण्डे झण्डै १३ महिना गृह सचिवका रुपमा कार्यरत रहे । पूर्वमन्त्री बालकृष्ण खाँणले उनलाई गृह सचिवका रुपमा भित्राएका थिए ।
पाण्डेले ०७८ साल साउन २७ गतेदेखि २०७९ असोज २ गतेसम्म गृहसचिवका रुपमा काम गरेका थिए । गृहबाट उपराष्ट्रपति कार्यालय सरुवा हुँदा उनी खटाएको कार्यालयमा महिनौंसम्म हाजिर हुन गएका थिएनन् ।
यही प्रकरणमा पूर्व गृहमन्त्री रामबहादुर थापाका सुरक्षा सल्लाहकार डा ईन्द्रजित राईलाई हिजो प्रहरीले पक्राउ गरिसकेको छ।
