काठमाडौं । राष्ट्रिय आविष्कार केन्द्रका संस्थापक महावीर पुनको अगुवाईमा माईतीघर मण्डलामा धर्ना शुरु भएको छ ।
पुनको नेतृत्वमा अनुसन्धान, नवप्रवर्तन र आविष्कारको लागि सामाजिक जनआन्दोलन तथा धर्ना कार्यक्रम सुरु भएको हो ।
सरकारले खोज अनुसन्धान र आविष्कारमा बेवास्ता गरेको भन्दै उनले आन्दोलनस्वरुप शुक्रबारदेखि धर्ना थालेका छन् ।
धर्नाकारीले स्टार्टअप उद्यमीहरुलाई प्रोत्साहन गर, अनुसन्धान, नवप्रवर्तन र आविष्कार जगतमा युवा सहभागीता लगायतका नारा लेखिएका प्लेकार्ड बोकेका छन् । 
