इलाम । ईलाम जिल्लाको सन्दकपुर गाउँपालिका ५ स्थित आलेभञ्याङ्गबाट बुधबार सशस्त्र प्रहरीले करिब ५ लाख ५१ हजार रुपैयाँ बराबरको विभिन्न सामानसहित गाडी नियन्त्रणमा लिएको जानकारी दिएकाे छ ।
मे १ ज १५०२ नम्बरको पिकअप गाडीमा राखी भारतबाट अबैध रुपले नेपालतर्फ ल्याउँदै गरेको पिकअप चालकलाई बाटैबाट छोडिदिएको छ भने उल्लेखित मूल्य बराबरको २२ बोरा युरिया मल, ५ कार्टुन भाँडा धुने साबुन, ६० केजी जिरा, १७ कार्टुन मदिरा र २० कार्टुन बियर सशस्त्र प्रहरी बल नेपाल विओपी जौबारीले नियन्त्रणमा लिएको सशस्त्र प्रहरिले बताएको छ।
नियन्त्रणमा लिईएको सामान र गाडी आवश्यक कारवाहीको लागि पशुपति भन्सार कार्यालय ईलाममा बुझाईएको छ ।
इलामको दुइमहेल, चारमहेल, हिले, छब्बिसे, सलकपुर, नाकापानी, खोलागोदाम, जौबारी, कालपोखरी, पसुपतिनगर गरि विभिन्न नाका प्रयोग गरि कपडा, किराना, पार्टस, मल, मदिरा लगायत तस्करी हुँदै आएको छ।
