बिर्तामोड / प्रहरीले झापाका विभिन्न स्थानमा हुने गरेको मोटरसाइकल चोरीमा संलग्न तीन जना बिर्तामोडबाट पक्राउ परेका छन् । इलाका प्रहरी कार्यालय बिर्तामोडबाट परिचालित प्रहरीले उनीहरूलाई चोरी भएको मोटरसाइकल सहित पक्राउ गरेको हो ।
इलामको सूर्योदय नगरपालिका वडा नं– ९ का २१ वर्षीय आशिष सुब्बा, सुर्योदय–८ का २१ वर्षीय विवेक घिमिरे र बिर्तामोड ३ बिर्ताबजारका २६ वर्षीय रञ्जित राजवंशीलाई चोरी भएका मोटरसाइकलसहित पक्राउ गरिएका मोटरसाइकल सहित पक्राउ गरिएको इलाका प्रहरी कार्यालय बिर्तामोडले जानकारी गराएको छ ।
पक्राउ परेकालाई थप अनुसन्धान र कारवाहीका लागि जिल्ला अदालत झापाबाट ७ दिन म्याद थप गरिएको प्रहरीले जनाएको छ ।
