बाजुरा / बडिमालिका नगरपालिका – ८ मा थुवाकाँधमा आइतबार साँझ अटो दुर्घटना हुँदा दुईजनाको मृत्यु भएको जिल्ला प्रहरी कार्यालय बाजुराले जनाएको छ। मृतक दुवैको सनाखत हुन सकेको छैन ।
दुर्घटनापछि अटो चालक भने फरार छन् । सदरमुकाम मार्तडीबाट जडाङगा जाँदै गरेको अटो सडकबाट करिब दुई सय मिटर तल बूढीगङ्गा नदीको किनारामा खस्ता दुर्घटना भएको हो ।
तीव्र गतिको कारण अटो दुर्घटनामा परेको प्रहरीले जनाएको छ ।
