खोटाङ / खोटाङको ऐसेलुखर्कबाट भरुवा बन्दुकसहित प्रहरीले एक जनालाई पक्राउ गरेको छ । पक्राउ पर्नेमा ऐसेलुखर्क गाउँपालिका –२ का ३० वर्षीय संजय राई रहेका छन् ।
हिजो (आइतबार) दिउँसो ३ बजे विशेष सूचनाको आधारमा इलाका प्रहरी कार्यालय ऐसेलुखर्कबाट खटिएको टोलीले राईलाई पक्राउ गरेको हो ।
पक्राउ परेका राईको साथबाट प्रहरीले एक थान भरुवा बन्दुक बरामद गरेको इलाका प्रहरी कार्यालय ऐसेलुखर्कले जनाएको छ ।
