सङ्खुवासभा / सङ्खुवासभाको मादी नगरपालिका–१ उम्लिङमा भएको एकै परिवारका ६ जनाको बीभत्स हत्याको घटना प्रदेश एक र प्रहरीका लागि नयाँ भने हैन । सामूहिक हत्याका घटना यसअघि पनि देशका विभिन्न ठाउँमा भएका छन् ।
प्रदेश एककै पाँचथरको मिक्लाजुङमा वि.स. २०७६ जेठमा एउटै परिवारका नौ जनाको हत्या तवरले हत्या भएको थियो ।सो घटनामा पनि परिवारकी एक बालिका भने बाच्न सफल भएकी थिइन ।
यो पनि - सङ्खुवासभा हत्याकाण्ड : सीआईवीसँगै घटनास्थलमा ‘पिकु र लैला’
सोमवार सार्वजनिक भएको सङ्खुवासभाको विभत्स नरसंहारको घटनामा पनि ८० वर्षीया वृद्धादेखि ५ वर्षीया नाबालिकसम्मको हत्या भएको छ । मारिनेमा ५६ वर्षीय तेजबहादुर कार्की , उनकी वृद्ध आमा, श्रीमती, बुहारी र दुई नातिनातिना रहेका छन्।
८४ वर्षीय पार्वती कार्की, उनका छोरा ५२ वर्षीय तेजबहादुर कार्की, तेजबहादुरकी श्रीमती ५२ वर्षकै कमला कार्की, ३२ वर्षीय रञ्जना कार्की, ८ वर्षीय विपिन कार्की, पाँच वर्षकी गोमा कार्कीको शव विभत्स अवस्थामा भेटिएको छ । एकै परिवारका ६ जनाको हत्या भएपनि सोही परिवारका जेष्ठ सदस्य तेजबहादुरका ८९ वर्षीय बुवा बौद्धमान कार्की भने जोगिएका छन्। कान कम सुन्ने र बुद्ध अवस्थाका उनले बिहान मात्रै घटनाका विषयमा चाल पाएका थिए ।
घटनास्थलमा तालिमप्राप्त कुकुर र फरेन्सिक सहित पुगेको प्रहरी टोलीले घटनाका विषयमा अनुशन्धान थालेको छ ।
यो पनि - सङ्खुवासभा हत्याकाण्ड : कान्छा छोराको परिवारका चारै जना बाँच्न सफल
बडिखेल हत्याकाण्ड
वि.स. ०६० असोज १६ गते दशैँको महाअष्टमीका दिन ललितपुरको बडिखेलमा एउटै परिवारका ५ जनाको विभत्स हत्या भएको थियो । सो घटनामा भानु नगरकोटीसहित उनकी ३० वर्षीया श्रीमती धनकुमारी, १३ वर्षीय छोरा रवीन्द्र, १० वर्षीया छोरी लुरी र आठ वर्षकी टुकुली भन्ने भगवतीको विभत्स तवरले मारिएका थिए ।
हत्याको अनुशन्धान पुरा गर्न प्रहरीलाई १२ वर्ष लागेको थियो । १२ वर्षपछि आफन्तबाटै हत्या भएको निष्कर्ष निकालेको थियो । भानुका जेठान चन्द्रबहादुर पहारीले नगरकोटी परिवारको हत्या गरेको निष्कर्ष निकाल्दै प्रहरीले उनलाई पक्राउ गरेको थियो ।
नेपालगंज हत्याकाण्ड
वि.स.०६२ साल फागुन २३ मा नेपालगन्जका दीपक हेमकरको परिवारमा छ जनाको विभत्स हत्या भएको थियो । सो घटनामा हेमकरको परिवारका पाँच सदस्य र एक कामदारको हत्या भएको थियो । घटनाको १३ वर्षपछि मात्रै हत्याकाण्डको पर्दाफास गर्न प्रहरी सफल बनेको थियो । दीपककै ससुरालीबाटै सम्पत्ति हत्याउन हत्या गरिएको प्रहरी अनुसन्धानबाट खुलेको थियो ।
यो पनि - सङ्खुवासभा हत्याकाण्ड : एकै परिवारका छ जनाको विभत्स हत्या
भोजपुरका तीन बालबालिकाको हत्या रहस्यमै
वि.स. ०७४ असारमा भोजपुर अरुण–१ प्याउलीमा तीन बालबालिकाको हत्या भएको थियो । स्थानीय रवीन्द्र सापकोटाका १४ वर्षीय छोरा रञ्जीव, चेतनाथ फुयाँलका १३ वर्षीया छोरी सुष्मा र आठ वर्षीय छोरा प्रदीपको शव माछापोखरीमा भेटिएको थियो । घटनाको अनुसन्धानमा खटिएका प्रहरी र सिआइबी समेत अनुसन्धानमा असफल भएका थिए । घटना अहिले पनि रहस्यमा नै रहेको छ ।
नागरिकताका लागि परिवारकै हत्या
एकै स्थानमा एकै समयमा दुई जना भन्दाबढीको हत्याका घटना विरलै हुने गरेका छन् । वि.स. २०७६ जेठमा पाँचथरको मिक्लाजुङ्मा पनि दुई परिवारका नौ जनाको विभत्स तवरले हत्या भएको थियो। सो घटनामा पनि परिवारकी एक बालिका भने बाँच्न सफल भएकी थिइन् ।
वि.स. २०७७ जेठमा रुपन्देहीको तिलोत्मा १० मा एकै स्थानमा पाँच जनाको सामूहिक हत्या भएको थियो । कोदालो प्रहार गरी हत्या भएको सार्वजनिक भएको थियो । गंगादेवी पशु फार्ममा काम गर्ने ४ जना पुरूष र एक महिलाको हत्या भएको थियो । सो घटनामा जानकी मुसहर, माधव मुसहर, करण चौधरी, आशिष चौधरी र पोषराज मुसहर मारिएका थिए ।
तिलोत्तमा हत्याकाण्डको छानविनमा संलग्न प्रहरी घटना सार्वजनिक भएकै दिन हत्यामा संलग्नलाई पक्राउ गर्न सफल बनेको थियो । प्रहरीले सो विभत्स हत्यामा संलग्न रहेको अभियोगमा सुर्खेतका ३१ वर्षीय झसेन्द्र सिंजालीलाई पक्राउ गरेको थियो ।
पक्राउ परेकाले अपराध स्विकार्दै रिसको आवेगमा हत्या गरेको प्रहरीलाई वयान दिएका थिए । अदालतको आदेशमा जन्मकैदको सजाय पाएका सिंजाली यतिवेला कारागारमा रहेका छन् ।
सो घटनाको अनुसन्धानमा खटिएका प्रहरीले सुदीपले आफ्नी श्रीमती र छोराको हत्या गरेर आत्महत्या गरेको निष्कर्ष निकालेका थिए ।
आफुबाट भएको अपराधका घटना र आफ्नो पहिचान लुकाउन अपराधमा संलग्नले धेरै जनाको हत्या गर्ने गरेका छन् । आफ्नो पहिचान खुल्ने, रिसइबी र सम्पत्ति हत्याउनका लागि नै सामूहिक हत्याका घटना हुने गरेको प्रहरीको भनाई छ ।
सोमवार संखुवासभामा भएको विभत्स हत्याको घटना पनि त्यस्तै भएको अड्कल काटेर प्रहरीले यतिवेला अनुसन्धान थालेको छ । आशा गरौं हामी जघन्य अपराधको यो घटनाको अनुसन्धानमा सकृय प्रहरी अपराधमा संलग्नको पहिचान र पक्राउ गर्न सफल हुनेछ भनेर ।
