काठमाण्डौ । तनहुँमा राष्ट्रिय स्वतन्त्र पार्टीका उम्मेदवार स्वर्णिम वाग्लेका बुवा जीवनराम वाग्ले चढ्ने गाडी तोडफोड भएको छ।
तनहुँको व्यास नगरपालिका–३ स्थित सन्तोष होटल अगाडि राखिएको बा ११ च ४२५० नम्बरको मारूती गाडी तोडफोड भएको जिल्ला प्रहरी कार्यालय तनहुँका प्रवक्ता डिएसपी मोहनबहादुर खाँणले जानकारी दिए।
बिहिबार राति करिब १ बजे अज्ञात समूहले गाडी तोडफोड भएको थियो।गाडिको साइडसाइडका सिसा फुटेको इन्सपेक्टर विकले जानकारी दिए।
घटनाबारे प्रहरीले अनुसन्धान गरिएको डिएसपी खाँणले बताए। घटनास्थल वरपरका सिसिटिभी फुटेज संकलन गरि संलग्नलाई अनुसन्धान गर्ने र संलग्नलाई कारबाहीको दायरामा ल्याइने उनले बताए।
स्वर्णिमका बाबु जीवनराम गएराती सोही होटमा बसेका थिए। होटलमा पार्किङ नभएका कारण गाडी बाटोको साइडमा राखिएको थियो।
