ताप्लेजुङ / ताप्लेजुङको सिरिजङ्गा गाउँपालिका –७, खेवाङमा गए राति झरेको पहिरोमा पुरिएर एकै घरका दूई जना बेपत्ता भएका छन् ।
अविरल वर्षासँगै राति करिब साढे ८ बजे झरेको पहिरोमा पुरिएर सासू तुलसा अधिकारी र बुहारी यशोदा अधिकारी बेपत्ता भएका हुन् ।
यशोदाका श्रीमान् विष्णु अधिकारी भने भागेर ज्यान जोगाउन सफल भएको स्थानीय लक्ष्मण अधिकारीले जानकारी दिए । पहिरोले अधिकारीका दुईवटै घर बगाएको छ भने नजिकै रहेका पशुचौपाय समेत पुरेको बताइएको छ ।
अत्यधिक वर्षाका कारण जिल्लाका विभिन्न ठाउँमा ठूल्ठूला पहिरो झरेका छन् ।
