बिर्तामोड / सुनसरीको गढी गाउँपालिका -३ बैशी टोल स्थित भित्री सडक खण्डमा ट्याक्टरको ठक्करबाट मोटरसाईकल चालकको मृत्यु भएको छ । मृत्यु हुनेमा सुनसरी बर्जू गाउँपालिका- ६ का ५४ बर्षीय शिव नारायण चौधरी रहेको प्रहरीले जनाएको छ ।
बिहीबार बिहान सवा ८ बजे पूर्वबाट पश्चिमतर्फ जाँदै गरेको प्रदेश १- ०२- ००३ त १७५२ नम्बरको ट्याक्टरले सोही दिशा तर्फ जाँदै गरेको को ३ प २५४५ नम्बरको मोटरसाइकललाई पछाडिबाट ठक्कर दिँदा चौधरीको घटनास्थलमानै मृत्यु भएको थियो । घटना सम्बन्धमा इलाका प्रहरी कार्यालय दुहबीबाट खटिएको प्रहरी टोलीले कानुनी प्रकृया पुरा गरी थप अनुसन्धान गरिरहेको प्रहरीले जनाएको छ ।
