बिर्तामोड / झापाको झापा गाउँपालिका- ३ कल्लामारी स्थित भित्री सडक खण्डमा ट्याक्टरको ठक्करबाट मोटरसाईकल चालकको मृत्यु भएको छ । मृत्यु हुनेमा स्थानीय २० वर्षीय अख्तर अलि रहेको प्रहरीले जनाएको छ ।
बुधबार दिउसो सवा २ बजे मे. १ त ४४१८ नम्बरको ट्याक्टरले मे ११ प २८२२ नम्बरको मोटरसाइकललाई ठक्कर दिई दुर्घटना हुँदा घाईते भएका अलिको उपचारको क्रममा बि एण्ड सी अस्पताल बिर्तामोडमा मृत्यु भएको हो । उक्त ट्रयाक्टर र चालक प्रबिज आलमलाई इलाका प्रहरी कार्यालय अनारमनीले नियन्त्रणमा लिएर थप अनुसन्धान भइरहेको प्रहरीले जनाएको छ ।
