काठमाडौं / काठमाडौंको टोखा नगरपालिका- ६ धापासी डाँफे कोलनी नजिकै मंगलबार कारको ठक्करबाट स्कुटरमा सवार ५ वर्षीय बालकको मृत्यु भएको छ ।
मृत्यु हुनेमा स्थानीय प्रियान्स उप्रेती रहेको प्रहरीले जनाएको छ ।मंगलबार दिउँसो ३ बजे प्रदेश १ ०२१ च २९५६ नम्बरको कारले प्रदेश २ ०३५ प ०५२० नम्बरको स्कुटरलाई ठक्कर दिँदा पछाडि सवार बालक गम्भीर घाइते भएका थिए । ठक्करबाट गम्भीर घाइते भएका बालकको उपचारका क्रममा ग्राण्डी अस्पतालमा मृत्यु भएको हो । कार सहित चालकलाई प्रहरी वृत्त महाराजगञ्जले पक्राउ गरि थप अनुसन्धान गरिरहेको प्रहरीले जनाएको छ ।
