झापा / नवलपरासीमा १४ वर्षीया बालिकालाई विभिन्न प्रलोभन देखाई अपहरण गरी बन्धक बनाएको आरोपमा प्रहरीले एक जनालाई पक्राउ गरेको छ । पक्राउ पर्नेमा बर्दघाट नगरपालिका– १२ भटौलीयाका २० वर्षीय महोम्मद साफिक अन्सारी रहेका छन् ।
बालिकालाई अन्सारीले ०७८ चैत २८ गतेदेखि ०७९ जेठ २९ गतेसम्म बर्दघाट नपा-१२ मा कोठा भाडामा लिएर बन्धक बनाएको भन्दै पीडित पक्षले जेठ ३० गते जिल्ला प्रहरी कार्यालयमा उजुरी दिएका थिए । उजुरीका आधारमा आरोपितलाई अन्सारीलाई गरी अनुसन्धान सुरु गरेको जिल्ला प्रहरी कार्यालयका डीएसपी प्रेमबहादुर शाहीले बताए ।
