झापा / महोत्तरी जिल्लाको बर्दिबास नगरपालिका- ३ मा सोमबार राति अटोलाई बोलेरो पिकअपले ठक्कर दिँदा एक जनाको मृत्यु भएको छ भने छ जना घाइते भएका छन् ।
मृत्यु हुनेमा बर्दिबास नगरपालिका- ३ का २६ वर्षीया कुन्ता ढुङ्गेल रहेको जिल्ला प्रहरी कार्यालयका प्रवक्ता प्रहरी नायब उपरीक्षक प्रकाश विष्टले जानकारी दिए । घाइते ढुङ्गेलको जनकपुरस्थित काव्या अस्पतालमा उपचारका क्रममा बिहान मृत्यु भएको प्रहरीले जनाएको छ । उनीहरूको उपचार बर्दिबासस्थित जनसेवा अस्पतालमा भइरहेको छ । बर्दिबास नपा- ३ स्थित स्मृतिपार्क नजिकैबाट पाटुतर्फ जाँदै गरेको ज १ ह ३५०१ नं को अटोलाई विपरीत दिशाबाट आउँदै गरकोे नम्बर नखुलेको बोलेरो पिकअपले ठक्कर दिँदा दुर्घटना भएको थियो ।
