बिर्तामोड / इलाम र झापाको दुई छुट्टाछुट्टै स्थानहरूमा सवारी दुर्घटना हुँदा २ जनाको मृत्यु भएको छ भने २ जना घाईते भएका छन । इलामको रोङ गाउपालिका- ४ बाघखोर स्थित मेची राजमार्गमा हिजो दिउसो पौने २ बजे फिक्कलबाट झापातर्फ आँउदै गरेको मे १ त ४४७८ नम्बरको  ट्याक्टर सडकबाट १५० मिटर तल झरी दुर्घटना हुँदा ट्याक्टर चालक सूर्योदय नगरपालिका- १२ का  २९ वर्षीय सागर प्रधान सहित ३ जना घाईते भई उपचारको लागि बि एण्ड सी अस्पताल बिर्तामोड लगिएकोमा उपचारको क्रममा चालक प्रधानको मृत्यु भएको हो । 

यसै गरी झापाको गौरादह नगरपालिका १ सितापुरी स्थित भित्री सडक खण्डमा सोमबार बेलुका ५ बजे  मे १ त ७४३१ नम्बरको ट्रयाक्टरले ठक्कर दिदा घाईते भएका स्थानीय  राम प्रसाद अधिकारीको ९ वर्षीय  छोरा  गौरव अधिकारीलाई उपचारको लागि दमक अस्पताल दमक लगिएकोमा अस्पताल पुराउना साथ उनको मृत्यु भएको हो । ठक्कर दिने ट्याक्टर र चालक झापा कमल गाउँपालिकाका २६ वर्षीय बिनोद चौधरीलाई प्रहरीले नियन्त्रणमा लिएर घटना सम्बन्धमा थप अनुसन्धान गरिरहेको प्रहरीले जनाएको छ ।