बिर्तामोड / सुनसरीको इटहरी उप- महानगरपालिका वडा नं ६ र ९ को सीमानामा पर्ने एकता टोल विकास क्षेत्रमा चितुवा देखा परेको छ । चितुवा देखिएसँगै स्थानीहरू आतङ्कित बनेका छन् । बिहानै देखा परेको चितुवालाई हाल नियन्त्रणमा लिने प्रयास जारी छ ।
चितुवा नियन्त्रणमा लिनका निम्ति अहिले कोशी टप्पु वन्यजन्तु आरक्षको उदार टोलीलाई परिचालन गरिएको छ । कुनै अप्रिय घटना हुन नदिन स्थानीयको सुरक्षार्थ हाल जुट विकास र एकता टोल क्षेत्रमा इलाका प्रहरी कार्यालयबाट प्रहरी र जिल्ला वन कार्यालयका कर्मचारीहरूको टोली खटाइएको छ । प्रहरीले भने स्थानीयलाई घरभित्रै बस्न आग्रह गरिरहेको छ ।
