विराटनगर / सुनसरीको कोशी गाँउपालिका- ५ मा आइतबार जिपले पैदलयात्रीलाई ठक्कर दिँदा पैदलयात्रीको मृत्यु भएको छ । मृत्यु हुनेमा पैदलयात्रीमा सुनसरीको कोशी गाँउपालिका- ७ का अन्दाजी १८ वर्षीय श्रवण कुमार मेहेता रहेका छन् ।
को २ च ३९९२ नम्बरको जिप आज बिहान सवा ८ बजे दुर्घटना हुँदा अन्य ६ जना घाइते भएका छन् । जिपको ठक्करबाट गम्भीर घाइते भएका उनको उपचारको क्रममा विराटनगर स्थित विराट नर्सिङ होममा मृत्यु भएको प्रहरीले जनाएको छ । घाइते भएका जिप चालकसहित ६ जनाको सोही अस्पतालमा उपचार भइरहेको छ ।
