बिर्तामोड / झापाको मेचीनगर -१० स्थीत धुलाबारीको एक इलोक्ट्रोनिक पसलमा आगलागी भएको छ । निलचल पाण्डाले सञ्चालन गर्दै आएको पाथिभरा भेराइटिजमा आगलागी भएको हो ।
आगलागीबाट १ करोड बढीको क्षति अनुमान भएको छ । करिब ९ :३० बजे बाट सुरु भएको आगलागी अहिले मेचीनगर, भद्रपुर र बिर्तामोड नगरपालिकाको दमकल, प्रहरी र स्थानीय सहयोगमा नियन्त्रण आइसकेको छ । इलेक्ट्रिकका सामानहरू पूर्ण रुपमा जलेर नष्ट भएका छन् । आगलागीको कारण भने पत्ता लागेको छैन् ।
