बिर्तामोड / मोरङको कटहरी गाउँपालिका- ७ स्थित लोहन्द्रा खोलामा डुबी एक जनाको मृत्यु भएको छ । मृत्यु हुनेमा स्थानीय ३९ वर्षीय जोगलाल सरदार रहेको प्रहरीले जनाएको छ ।
शुक्रबार बेलुकी ५ बजे लोहन्द्रा खोलामा बालुवा निकाल्न गएका सरदारको पानीमा डुबी मृत्यु भएको हो । पानीमा डुबी बेहोस अवस्थामा आफन्तले फेला पारेका सरदारको उपचारको लागि अस्पताल लैजाने तयारी गर्दा घरमा नै मृत्यु भएको हो । घटना सम्बन्धमा जिल्ला प्रहरी कार्यालय मोरङबाट थप अनुसन्धान भइरहेको प्रहरीले जनाएको छ ।
