एजेन्सी / भारतको पञ्जाब राज्य अन्तर्गत मन्सा जिल्लास्थित जवाहार्के गाउँमा गत आइतबार पञ्जाबी गीतका गायक सिद्धू मुसेवालाको हत्या भएको थियो । पञ्जाब पुलिसले मुसेवालाको हत्यामा संलग्न दुई व्यक्तिलाई पक्राउ गरिसकेको छ । उनीहरूसँगको बयानका आधारमा हत्यामा संलग्न व्यक्तिहरू खोज्न भारतीय प्रहरी नेपाल आएको खुलासा भएको छ ।
हत्यामा संलग्नलाई पक्राउ गर्न दिल्ली प्रहरीको विशेष टोली शुक्रबार नेपाल आएको भारतीय सञ्चारमाध्यमहरूले जनाएका छन् ।
मुसेवालाको हत्यामा संलग्न हतियारधारीहरू भारतसँग खुला सीमाना रहेको नेपालमा लुकेको हुनसक्ने अनुसन्धान टोलीको निष्कर्ष रहेको बताइएको छ ।
प्रहरी टोली नेपाल आएको भनिएपनि उनीहरू कुन ठाउँमा रहेर हत्यारा खोजिरहेका छन् भन्ने चाहिँ भारतीय सञ्चारमाध्यमहरूले खुलाउन सकेका छैनन् ।
संलग्न खोज्न दिल्लीको प्रहरी टोलीलाई नेपाल पठाइएको भारतीय सञ्चारमाध्यमले जनाएका छन् ।
